英超夢

圖片︰/www.premierleague.com

昨晚，發了一個英超夢：

車路士vs唔知邊隊〈唔記得左邊隊〉，賽事進入最後十分鐘，仍然係唔知邊隊領先緊。係呢個時候，唔知邊隊換入左後備球員 -- 我 --入場。我唔係球隊既主力，今次係首次落場，所以一落場就要爭取表現。一入場首先交左球靚波俾隊友，可惜佢失之交臂。後來見到洛賓〈好記得係洛賓〉係邊線推進，我一個攝位將佢腳下球偷走，洛賓好無奈，唯有拉我衫，我被拉衫後，唯有攤大手以表被侵犯，但球證竟然視若無睹，我只能為之氣結。

比賽進入尾聲，我係前場引球推進，洛賓從後追我，但速度不及我〈哇哈哈〉，唯有再次施以拉衫，我雖然俾佢拉住件衫，但依然奮力推進，但球證一直唔吹罰，我氣憤下唯有轉身同洛賓嘈，並發生推撞，但球證走過黎，竟向我出示紅牌！有無搞錯！我俾人侵犯但竟然趕我出場！即使不願意，但我唯有慢慢步入更衣室，係更衣室同隊友訴苦。就係呢個時候，我夢醒了！

從來無想過有機會可以踢英超，但昨晚竟然可以一嘗英超滋味，雖然唔知踢邊隊，但已如願足矣......