完美的一天

0900 起床

1000 食早餐/閱報/check email/處理私人事務

1100 工作

1230 準備食lunch

1415 食完lunch/小休片刻

1445 有野做就做野

1700 準備放工

1805 放工

1900 返屋企食飯/睇電視/上網/講電話/打機/睇書/聽收音機/寫野/hea下

0200 睡覺

完美的一天，夫復何求？

六窮七絕八番身

係電影圈，一直流傳五窮六絕七番身這句話，意指每年五、六月，屬於考試季節，無人去睇戲，直到七用暑假開始了，睇戲的人龍又再現。

但用於足球圈，似乎六窮七絕八番身更適合，五月中所有球季完結，六月有波睇既日子，只有在雙數年舉辦的大賽〈世界盃和歐國盃〉，但到了七月，即使係世界盃好，歐國盃又好，都會在七月頭完成，因此七月可算是像我這種球迷最難過的日子。習慣了每個週六日，直播賽事由晚十直到早五，當然球迷都係人，如果場場直播賽事都睇晒，真係唔死都一身散。但每次揀當中兩三場睇〈熱刺既比賽當然唔駛諗，必睇〉黎睇，真係人生一大快事。係短短兩小時內，真係可以忘記一切煩惱事！仲記得某年某月某日，終於等到星期六諗住可以係屋企睇波，點知果晚先發覺有線壞左，整來整去都救唔返，心情當堂直播谷底！所以睇波對於我黎講係十分重要，如果唔覺意錯過左一d精彩既賽事，真係會唔開心架。

所以今屆既世界盃，我差唔多睇晒所有既比賽，雖然當中有些因為太沉悶又或者實在太累既關係，只能係半夢半醒既狀態之下睇，但果一個月依然係十分享受。哈，鍾意睇波真係好喇，起碼比別人多一種健康既娛樂嘛。

改變不了

每一個岔口的選擇其實沒有真正的好與壞，只要把人生看成是自己獨一無二的創作，就不會頻頻回首如果當初做了不一樣的選擇。

這幾句說話，是我經常用來提醒自己，不要後悔自己曾經作過的一些錯誤決定。每次人生重大的選擇，其實都沒有分錯與對，例如中四時我選讀了理科，現在卻發現自己更喜愛寫作；大學選讀了數學科〈其實是逼不得已〉，現在工作卻與之沒半點關係。但當初的選擇卻絕不是錯，也沒有半點後悔，甚至讓我再揀多次，我仍然會揀讀理科的。

當然，不敢說自己每次都揀得好，有時總會諗「如果我咁咁咁，而家就唔會咁咁咁啦」。無關痛癢的事，揀錯了也無損失，但一些影響到你日後生活或將來的事，揀錯了卻可大可小啊！屈指一數，咁多年來，也沒有做錯甚麼大決定令自己後悔，或者我係一個善忘的人，尤其對一些不快事，睡一覺便忘記得一乾二淨......除了當年的那個決定......

黑色

我個homepage係黑色，而家個blog又係黑色，似乎與黑色已經結下不解之緣。黑色其實幾極端，有人鍾意佢因為覺得佢夠神秘 夠cool，但亦有人覺得黑色死氣沉沉，而我係屬於前者。

唔知點解，由細到大要我揀頻色我都會揀黑色，因為黑色係最穩陣，唔會點錯。所以我d衫褲鞋襪好多都係黑色，起碼易襯。成日著黑色著到悶，就會揀深色，好似灰呀，藍呀、深綠呀咁，起碼整污穢左都唔覺。不過話得說回來，我對鮮色絕對無歧視，亦都唔介意用鮮色既野，好似我都會著紅橙黃綠既衫〈當然唔係一次過著晒上身〉，有紅色綠色既鞋，電話又係橙色，睇落好似有活力d，人都開心d。

但係一講到深情既時候，又離唔開黑色，唔係話玩作狀，有時係要對住個黑色background先有心情寫野，個思潮先有起伏，無計。

或者打開個心睇下，可能都係黑色。

裝修重開

不知何年何月，Professor Jack's Office正式開張，裡面記載了我人生既一些片段、一些感受、一些自鳴得意既作品，可惜呢個網站經唔起時間既考驗，更新進度不斷下降，就連自己都開始對佢生厭。

要製作一個自己喜愛的homepage，並非一件易事〈主要係設計網站既能力沒有改進......〉，加上我一直喜愛既，都只係文字上的創作，對於畫面上的創作，真係自愧不如，既然如此，倒不如花多些時間在文字上，希望可以係沉悶既生活當中，依然可以保持一點自我。

有時候，係網上漫無目的咁瀏覽，唔覺意睇到自己過往所寫既一點一滴，突然會記番起當時既一些感受、一些經歷，呢d感覺有時會令自己突然充滿動力，或者對自己有更深了解，又或者啟發到自己對人和事的一些見解，感覺其實既奇妙。所以由今日起，我希望可以花多d時間同大家〈其實係同將來既自己〉分享一下自己既一d經歷同感受.....唔....希望真係做到。