黑色

我個homepage係黑色，而家個blog又係黑色，似乎與黑色已經結下不解之緣。黑色其實幾極端，有人鍾意佢因為覺得佢夠神秘 夠cool，但亦有人覺得黑色死氣沉沉，而我係屬於前者。

唔知點解，由細到大要我揀頻色我都會揀黑色，因為黑色係最穩陣，唔會點錯。所以我d衫褲鞋襪好多都係黑色，起碼易襯。成日著黑色著到悶，就會揀深色，好似灰呀，藍呀、深綠呀咁，起碼整污穢左都唔覺。不過話得說回來，我對鮮色絕對無歧視，亦都唔介意用鮮色既野，好似我都會著紅橙黃綠既衫〈當然唔係一次過著晒上身〉，有紅色綠色既鞋，電話又係橙色，睇落好似有活力d，人都開心d。

但係一講到深情既時候，又離唔開黑色，唔係話玩作狀，有時係要對住個黑色background先有心情寫野，個思潮先有起伏，無計。

或者打開個心睇下，可能都係黑色。