離開打機的習慣

好消息！近日終於成功離開打機的習摜！

過去幾年，一直沉迷於PC版的Winning Eleven，縱使這隻過期遊戲〈04年版，堅尼仲係曼聯〉已十分過期，但由於只要一開電腦，再插起那個USB手制，就可以開始模擬足球世界之中，不用像PS2般，每次打機都要將PS2駁電視那樣麻煩，而且躲於房內打機又不會阻礙家人睇電視，所以這幾年一直都有打PC版Winning的習慣，每次短則半小時，長則一至兩小時，縱使已經先後勝出所有盃賽及聯賽，但仍然沒完沒了的打打打。近日終於使用最弱的球隊，由master league的乙組打起，直至升班到甲組，再係同一季內勇奪三料冠軍〈聯賽、盃賽及歐聯〉，至此，真的完完全全打到無可再打了。

過去一個星期，真的沒有再打這個遊戲，時間突然多了，雖然多了的時間也未必能好好利用，但少了一樣浪費時間的玩意也至少是件好事吧。