冬韋慈

其實辛苦工作過後，想話抖下都無可厚非，但估唔到一抖就抖左咁耐，回頭已是百年新。
果時係咁做係咁怨，做下一年，怨下一年，做下又一年，頓覺時間原來可以咁快過。但抖下一年，抖下一年，抖下又一年，嘩！痴線！時間比以前快過十倍！
以為之前白做，原來抖都可以係白抖，哈哈，人真係好鬼衰格，辛苦嫌辛苦，悠閒嫌悠閒。其實搞到今時今日咁，大家都要負上責任既，你話要做，我咪做囉，做左野喇，你又冇件事，你冇件事，我又冇主動跟進件事，我唔主動，你又唔主動，咁咪掉埋一邊封塵囉。
ok，唔理你，搵隊友諗住開波，點知人算不如天算，次次換好晒衫想話落場啦，點知又黎一場大雨，仲要閃埋電，結果次次未開波先完場。ok，唔開波，唱首歌，次次唱唔夠幾句一係跳線，一係壞咪，一係停電，冇首歌唱得晒，首首唱到一半就冇左影。
再咁落去，一係認命，一係死得。好！你要玩我陪你玩！你話要做，我做到盡，你冇件事，我chur你，你唔主動咩，我主動囉。
ok，行雷閃電嘛，水戰照開波，係難踢架喇，最多唔打地波，打高Q大棍，輸咪輸囉，輸得起。ok，跳線壞咪停電嘛，最多咪清唱，係難聽d，但點都要唱完一首為止，仲要唱完一首又一首，唱唱下就好聽架啦！
冬韋慈，Just Do it!!