傷患

昨晚和朋友去打籃球，不幸地係一次射球當中，落地時不小心屈一屈隻腳〈俗稱坳柴〉，當時覺得好痛，但係踏順番之後又發覺冇咩事，所以繼續打。但後來發現都唔係冇事喎，隻腳一郁就覺得痛，到左今日連行路都有少少痛，雖然問題唔大，但我諗都要抖返幾日，下星期都未必可以去打波。加埋昨晚戴con時又整到隻左眼唔舒服，隻手又撞瘀左，可謂周身傷患。

其實咁多年來，因為運動而造成受傷都有唔少，好似：

1.中學時踢波仲係戴眼鏡，有一次俾個波省中副眼鏡，再撞損埋眉骨果度，好彩冇整到隻眼。
2.有一次又俾個波省中塊面，成個跌在落地，當然都係瘀左。
3.十隻手字都篤過魚蛋，尤其是左手指公，經過多次篤魚蛋後，而家好容易又會坳到。
4.上年打波戴con時唔小心整爛左副con，一半留左係眼入面，搞到去急症室。
5.又係上年踢波，同人地頭撞面，撞到塊面腫左，d牙都腫埋。

唉，有邊個鍾意打波既冇受傷過哎，不過我又唔係打職業波，受傷冇軍醫入場治理，又唔會有人俾埋錢你去醫，所以唯有自己小心D，盡量避免受傷啦。