The show must go on

新力愛立信軟硬表演06 --
好開心可以睇到軟硬係紅館既表演〈仲要係尾場〉，由細到大都好鍾意軟硬既演出，好似老人院、軟硬製造等等，每次都好精彩好好笑。今次有幸睇到佢地復出表演，又鉤起細個時既美好回憶。

銀河娛樂草蜢06演唱會 --
草蜢都係我讀中學時好喜歡既一隊組合，快歌〈失戀、忘情森巴舞、三分鐘放縱...〉同慢歌〈黃昏都市人、永遠愛著妳、我們都是這樣失戀的...〉都好好聽，而家每次聽番，都好有feel，又係另一個集體回憶。

詹sir互動教室PIP --
近年好鍾意睇詹sir既演出，不論係電影既客串，定係舞台上既表演〈其實只係睇過男人之虎〉，每次睇到笑唔停口，尤其是佢既形體動作，真係睇幾多次都覺得好好笑。今次呢個互動教室唔係純粹一個表演咁簡單，詹sir會同大家分享同認識「笑」，唔知會係咩一會事呢？

二十出頭〈復刻版〉 --
上年偶然係電台聽到DJ介紹佢地既表演，之後嘗試去睇下〈快樂無罪之死唔斷氣〉，又發掘到一個好好睇既劇團。呢個劇團叫三角關係，「二十出頭」係佢地最受歡迎既表演，今次已經係第七度公演，講既係七十年代出生既人既成長片段。睇過佢地上年既演出之後，更加期待今次既表演。